لیاری ایکسپریس وے پر تیز رفتار کار ٹک ٹاکرز سے ٹکراگئی ویڈیو وائرل
ٹائر برسٹ ہونے کی وجہ سے گاڑی بے قابو ہوئی، مالک
لیاری ایکسپریس وے پر تیز رفتار کار بے قابو ہوکر سڑک کنارے ٹک ٹاک بناتے دو نوجوانوں سے ٹکرا گئی، خوفناک حادثے کی ویڈیو سوشل میڈیا پر وائرل ہوگئی۔
موٹروے پولیس کے مطابق گارڈن سے ماڑی پور جانے والے لیاری ایکسپریس وے کے ٹریک پر واقعہ جمعہ کی شام رپورٹ ہوا تھا، گاڑی کے مالک کا کہنا ہے ٹائر برسٹ ہونے کی وجہ سے گاڑی بے قابو ہوئی۔
[video width="480" height="848" mp4="https://c.express.pk/2023/07/whatsapp-video-2023-07-01-at-6.53.56-pm-1688221015.mp4"][/video]
موٹر وے پولیس کے مطابق حادثے میں نوجوان معمولی زخمی ہوا تھا، متاثرہ نوجوان کے اہلخانہ نے کوئی قانونی کارروائی نہیں کروائی، موٹروے پولیس واقعے کی مزید انکوائری کر رہی ہے۔