قرآن پاک کی بیحرمتی سعودی عرب  کا ملعون شخص کیخلاف کارروائی کا مطالبہ

قرآن پاک کی بے حرمتی سنگین جرم ہے، سعودی عرب:فوٹو:فائل

---

سعودی عرب نے قرآن پاک کی بیحرمتی کے واقعے پر سوئیڈن کے سفیر کو طلب کرلیا۔

سعودی عرب کی سرکاری خبر ایجنسی کے مطابق ریاض میں سوئیڈن کے سفیر کو وزارت خارجہ طلب کر کے اسٹاک ہوم میں انتہا پسند جنونی شخص کی جانب سے قرآن پاک کے اوراق نذر آتش کرنے کی گھناؤنی حرکت کو سنگین جرم قرار دیتے ہوئے انتہاپسند شخص کے خلاف کارروائی کا مطالبہ کیا گیا۔

مزید پڑھیں: قرآن پاک کی بے حرمتی؛ واقعات روکنے کیلیے اجتماعی اقدامات کی ضرورت ہے، اوآئی سی

سعودی عرب کی وزارت خارجہ کی طرف سے جاری بیان میں کہا گیا ہے کہ سویڈن کی ایک مسجد کے باہر قرآن پاک کو نذر آتش کرنے کا گھناؤنا فعل ناقابل قبول اور گھٹیا حرکت ہے۔

#Statement | The Ministry of Foreign Affairs summons the Ambassador of Sweden to the Kingdom and informs her of the Kingdom's categorical rejection of an extremist's burning of a copy of the Holy Qur'an in front of the Stockholm Central Mosque in #Sweden after Eid al-Adha. pic.twitter.com/Dm4gLomy7v

— Foreign Ministry 🇸🇦 (@KSAmofaEN) July 2, 2023

 

بیان کے مطابق یہ گھناؤنا واقعہ ایک ایسے وقت میں پیش آیا ہے جب پوری دنیا کے مسلمان عیدالاضحیٰ منا رہے تھے۔ اس مکروہ حرکت سے کروڑوں مسلمانوں کی دل آزاری ہوئی ہے۔