ایشین رگبی چیمپیئن شپ یو اے ای کی ٹیم لاہور پہنچ گئی
میچز پنجاب اسٹیڈیم میں چار اور آٹھ جولائی کو کھیلے جائیں گے
ایشین رگبی چیمپیئن شپ ڈویژن ون کے میچز کھیلنے کے لیے یو اے ای کی ٹیم لاہور پہنچ گئی۔
مہمان ٹیم کے لاہور پہنچنے پر پاکستان رگبی یونین کے عہدیداران نے انکا استقبال کیا، ٹیم کو ایئرپورٹ سے ہوٹل پہنچا دیا گیا۔ یواے ای کی ٹیم میں 26 کھلاڑی اور چار آفیشلز شامل ہیں۔
پاکستان اور یو اے ای رگبی ٹیموں کے درمیان میچز پنجاب اسٹیڈیم میں چار اور آٹھ جولائی کو کھیلے جائیں گے۔
ایشین رگبی چیمپیئن شپ ڈویژن ون کو سپر وائز کرنے کے لیے ہانگ کانگ، سنگاپور اور ملائشیا کے میچ آفیشلز بھی لاہور پہنچ گئے ہیں۔ میچز رات آٹھ بجے شروع ہوا کریں گے۔