پیپلز پارٹی اور مزدور رہنماؤں میں اتفاق نجکاری کیخلاف پارلیمنٹ کے سامنے تادم مرگ بھوک ہڑتال کا اعلان

مشترکہ مفادات کونسل میں آواز اٹھائیں گے، مزدوروں کے حقوق کے لیے ٹاسک فورس بنائی جائے گی، مسائل حل کرینگے، قائم علی شاہ

Staff Reporter May 02, 2014

اگر اسٹیل مل اور پی آئی اے کی نجکاری کی گئی تو پہیہ جام کردیں گے، رضا ربانی، یوم مئی پر پیپلزلیبرز بیورو کے زیر اہتمام جلسے سے خطاب۔ فوٹو: فائل

پیپلزپارٹی کے قائدین اور مختلف مزدور رہنمائوں نے عزم کا اظہار کیا ہے کہ کسی صورت اداروں کی نجکاری نہیں ہونے دیں گے۔

نجکاری کے خلاف پارلیمنٹ کے سامنے تادم مرگ بھوک ہڑتال کی جائے گی اور اس مسئلے پر مشترکہ مفادات کو کونسل میں بھی بھرپور آواز بلند کی جائے گی۔ پیپلزلیبرز بیورو کراچی کے زیر اہتمام یکم مئی کو پریس کلب میں منعقدہ جلسے سے وزیر اعلیٰ سندھ سید قائم علی شاہ ، پیپلزپارٹی کے ایڈیشنل سیکریٹری جنرل رضا ربانی، پیپلز لیبر بیورو کراچی کے صدر شمشاد قریشی، پیپلزلیبر بیورو کے سیکریٹری جنرل خواجہ محمد اعوان،۔ سعید غنی، صوبائی وزیر جاوید ناگوری، پی پی پی کراچی ڈویژن کے جنرل سیکریٹری نجمی عالماوردیگر نے جلسے سے خطاب کیا۔

وزیراعلی سندھ نے کہا کہ اداروں کی نجکاری کے حکومتی فیصلے کے خلاف مشترکہ مفادات کی کونسل میں بھرپور آواز بلند کریں گے،انھوں نے مزدوروں کے حقوق کے لیے ٹاسک فورس بنانے کا اعلان کیا۔ انھوں نے کہاکہ ٹاسک فورس میں مزدوروں کی زیادہ نمائندگی ہوگی، مزدوروں کے تمام مسائل حل کیے جائیں گے۔ انھوں نے مزدوروں کے ساتھ یوم مئی کے حوالے سے اظہار یکجہتی کرتے ہوئے کہا کہ پیپلزلپارٹی مزدوروں، کسان، محنت کشوں اور غریبوں کی جماعت ہے۔

رضا ربانی نے کہا کہ موجودہ نوازشریف حکومت پرانے وتیرے پر عمل کرتے ہوئے مزدور دشمنی پر عمل پیرا ہے،انھوں نے متنبہ کیا کہ اگر اسلام آباد نے اداروں سے لوگوں کو فارغ کرنے کا نوٹس نہیں واپس لیا تو قومی اسمبلی کے سامنے تادم مرگ بھوک ہڑتال کی جائے گی، ایک جانب سرمایہ داروں کا پیٹ پھول رہا ہے تو دوسری طرف غریب کا چولہا ٹھنڈا کیا جارہا ہے۔

انھوں نے کہا کہ میاں صاحب کہتے ہیں کہ ادارے نقصان میں جارہے ہیں جس کی وجہ سے نجکاری ضروری ہے ہم پوچھنا چاہتے ہیں کہ سوئی سدرن گیس اور سوئی ناردرن گیس تو منافع میں ہیں انھیں کیوں فروخت کیا جارہا ہے۔ انھوں نے کہا کہ نواز حکومت ایم صاحب کو نوازنا چاہتی ہے تاکہ الیکشن کے دوران جو کروڑوں روپے کی فنڈنگ کی گئی تھی اس کا صلہ دیا جاسکے۔ انھوں نے جلسے کے شرکا سے کہا کہ اگر اسٹیل مل اور پی آئی اے کی نجکاری کی گئی تو پہیہ جام کریں گے، ایس آر اوکلچر کو ختم کیا جائے اور اداروں کی نجکاری کے بجائے غیر ضروری اخراجات کو کم کیا جائے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

پیپلز پارٹی اور مزدور رہنماؤں میں اتفاق نجکاری کیخلاف پارلیمنٹ کے سامنے تادم مرگ بھوک ہڑتال کا اعلان

انٹرٹینمنٹ

کترینہ کیف کا فلمی سین کے لیے ساتھی اداکار کو اصلی تھپڑ مارنے کا انکشاف

وہ ستارے جو تعلیم ادھوری چھوڑ کر اداکاری کی دنیا میں آئے اور آج کروڑوں کے مالک ہیں

مادھوری نے نئی لگژری گاڑی خرید لی، قیمت کتنی ہے؟

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

پیپلز پارٹی اور مزدور رہنماؤں میں اتفاق نجکاری کیخلاف پارلیمنٹ کے سامنے تادم مرگ بھوک ہڑتال کا اعلان

ہمارے ساتھ شامل ہوں

مقبول خبریں

انٹرٹینمنٹ

کترینہ کیف کا فلمی سین کے لیے ساتھی اداکار کو اصلی تھپڑ مارنے کا انکشاف

وہ ستارے جو تعلیم ادھوری چھوڑ کر اداکاری کی دنیا میں آئے اور آج کروڑوں کے مالک ہیں

مادھوری نے نئی لگژری گاڑی خرید لی، قیمت کتنی ہے؟

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین