مرتضیٰ وہاب کا کراچی میں نئے قبرستان بنانے کا فیصلہ
شہر میں قبرستان کی جگہوں کی کمی کو پورا کیا جائیگا، میئر کراچی
میئر کراچی مرتضی وہاب نے کہا ہے کے شہر میں قبرستان کی جگہوں کی کمی کو پورا کیا جائیگا اور شہر میں نئے قبرستان کے لیے جگہ مختص کی جائے گی۔
یہ بات انہوں نے کراچی کے قبرستانوں کے حوالے سے اہم اجلاس میں کہی۔ اجلاس میں مرتضی وہاب کو بریفنگ میں بتایا گیا کہ ضلع کیماڑی میں دو سو ایکڑ اراضی قبرستان کے لئے مختص کی گئی ہے بہت جلد اس جگہ پر ترقیاتی کاموں کا آغاز کر دیا جائے گا۔
بریفنگ میں بتایا گیا کہ شہر کے مختلف علاقوں کے دورے کے دوران شہریوں نے اس حوالے سے نشاندہی بھی کی ہے۔
مرتضیٰ وہاب نے کہا کہ شہریوں کے مسائل کا حل ہماری اولین ترجیح ہے۔ اجلاس میں ڈپٹی میئر سلمان عبداللہ مراد، ڈپٹی کمشنر ضلع کیماڑی غلام قادر تالپور اور دیگر متعلقہ حکام نے شرکت کی۔