فیصل آباد میں کیمیکل کے گودام میں آگ لگنے سے لاکھوں روپے کا سامان جل گیا

پولیس حکام کا کہنا ہے کہ واقعہ کا مقدمہ درج کر کے تحقیقات کا آغاز کر دیا ہے۔ فوٹو؛ ایکسپریس نیوز

---

ناکہ بازار میں کیمیکل کے گودام میں آتشزدگی سے لاکھوں روپے کا سامان جل کر راکھ ہو گیا۔

ایکسپریس نیوز کے مطابق فیصل آباد کے علاقے ناکہ بازار میں کیمیکل کے گودام میں اچانک آگ بھڑک اٹھی جو دیکھتے ہی دیکھتے بے قابو ہو گئی جس کے نتیجے میں لاکھوں کا سامان جل کر خاکستر ہو گیا تاہم خوش قسمتی سے کوئی جانی نقصان نہیں ہوا۔ فائر بریگیڈ کی 12 گاڑیوں نے طویل جدو جہد کے بعد آگ پر قابو پایا۔

گودام کے مالک کا کہنا ہے کہ آگ لگنے کی وجوہات تاحال معلوم نہیں ہو سکی ہیں جب کہ پولیس حکام کا کہنا ہے کہ واقعہ کا مقدمہ درج کر کے تحقیقات کا آغاز کر دیا ہے۔