ڈی آئی خان میں نالے سے خارج ہونے والے زہریلے مواد سے 8 افراد دم گھٹنے سے جاں بحق

نالے میں شوگر ملوں کا زہریلا فضلہ داخل ہوتا جس کے باعث اس کا پانی بھی زہریلا ہوگیا، پولیس فوٹو: ایکسپریس نیوز

---

چشمہ شوگر مل کے قریب نالے سے گزرنے والے ایک ہی خاندان کے 5 افراد سمیت 8 افراد دم گھٹنے سے جاں بحق ہوگئے۔

ایکسپریس نیوز کے مطابق علاقے میں پل نہ ہونے کے باعث 14 افراد نالے سے گزر رہے تھے کہ اسی دوران ایک ہی خاندان کے 5 افراد سمیت 8 افراد دم گھٹنے سے جاں بحق جبکہ 6 بے ہوش ہوگئے، بے ہوش ہونے والے افراد کو ریسکیو ٹیموں نے اسپتال منتقل کردیا جہاں ان کی حالت بھی تشویشناک بتائی جاتی ہے۔

دوسری جانب پولیس کا کہنا ہے کہ نالے میں شوگر ملوں کا زہریلا فضلہ داخل ہوتا جس کے باعث اس کا پانی بھی زہریلا ہوگیا اور جب یہ افراد نالے سے گزر رہے تھے تو اس سے خارج ہونے والے زیریلے مواد سے ان کی موت واقع ہوگئی۔