حارث رؤف شادی کے بندھن میں بندھ گئے

حارث روف کی شادی کی تصاویر سوشل میڈیا پر وائرل ہوگئیں:فوٹو:فائل

---

قومی کرکٹر حارث رؤف اپنی کلاس فیلو مزنہ مسعود کے ساتھ شادی کے بندھن میں بندھ گئے۔

قومی کرکٹر حارث روف گزشتہ روز قریبی رشتے داروں اور دوستوں کے ساتھ اپنی دلہن کو رخصت کروا کے گھر لے آئے۔ حارث روف نے اس موقع پر کالی شیروانی اور سرخ کلاہ پہنا تھا جبکہ ان کی دلہن مزنہ مسعود نے سرخ رنگ کا روایتی لباس زیب تن کیا۔

Haris Rauf wears black sherwani on his wedding day 😍#Cricket | #Pakistan | #HarisRauf | #Wedding | #Rawalpindi pic.twitter.com/xAOQbDVZkr

— Khel Shel (@khelshel) July 6, 2023

حارث روف نے بارات کی روانگی سے قبل بکرے کا صدقہ بھی دیا۔ کراچی میں سری لنکا کے دورے کے لیے تربیتی کیمپ میں مصروف قومی کرکٹرز کو حارث روف کی شادی میں شرکت کے لیے جانا تھا تاہم پاکستان کرکٹ بورڈ کے مطابق خراب موسم کی وجہ سے بیشتر کھلاڑیوں نے کراچی میں ہی قیام کا فیصلہ کیا۔

Harry - Shaadi Mubarak! 🎆@HarisRauf14 pic.twitter.com/BARiTPoa1H

— Shaheen Shah Afridi (@iShaheenAfridi) July 7, 2023

فاسٹ بولر شاہین آفریدی اور کپتان بابر اعظم سمیت ٹیم کے دیگر کھلاڑیوں نے سوشل میڈیا پر حارث روف کو شادی کی مبارک باد دی اورجوڑے کے لیے نیک خواہشات کا اظہارکیا۔ حارث روف کے ولیمے کی تقریب آج ہوگی۔