عبدالرزاق نے مصباح کو ٹیم کی کوچنگ ملنے کی پیشگوئی کردی

پی سی بی میں کمان کی حالیہ تبدیلی کے بعد فوری طور پر فیصلے متوقع نہیں، سابق آل راؤنڈر۔ فوٹو: فائل

---

عبدالرزاق نے مصباح الحق کو قومی ٹیم کی کوچنگ ملنے کی پیشگوئی کردی۔

ایک انٹرویو میں سابق آل راؤنڈر نے کہا کہ پی سی بی میں کمان کی حالیہ تبدیلی کے بعد فوری طور پر فیصلے متوقع نہیں مگر میرے خیال میں کوچ کی پوسٹ مصباح الحق کو دینے کا قوی امکان ہے۔

یہ بھی پڑھیں: ورلڈکپ فائنل میں پاک بھارت میچ دیکھنا خواہش ہے، مصباح

عبدالرزاق نے کہا کہ پی سی بی میں عدم استحکام ہے، ایک چیئرمین تو کبھی دوسرا آجاتا ہے،اس طرح کی صورتحال میں پلاننگ متاثر ہوتی ہے۔

یاد رہے کہ ورلڈکپ 2019 کے بعد مکی آرتھر کو فارغ کرکے مصباح الحق کو ہیڈ کوچ و چیف سلیکٹر کی ذمہ داریاں بھی دی گئیں، بعد ازاں انھیں کوچنگ تک محدود کیا گیا،ستمبر 2021میں جب رمیز راجہ چیئرمین پی سی بی بنے تو مصباح نے عہدہ چھوڑ دیا تھا۔