طالبان کا قرآن کی بیحرمتی پر معافی کا مطالبہ سویڈن کی سرگرمیاں معطل

قرآن بے حرمتی پر طالبان نے سودیڈن کی تمام سرگرمیاں بھی معطل کردیں، فوٹو: فائل

---

طالبان حکومت نے سویڈن میں قرآن پاک کی بیحرمتی کے خلاف سویڈن سے معافی مانگنے کا مطالبہ کیا ہے۔

طالبان کے ترجمان ذبیح اللہ مجاہد نے سوشل میڈیا پر جاری بیان میں کہا کہ سرکاری طور پر معافی مانگنے تک افغانستان میں سویڈن کی سرگرمیاں معطل رہیں گی۔ تمام افغان سرکاری اداروں کو اس حکم پر عمل کرنا ہوگا۔

مزید پڑھیں: کویت کا سویڈش زبان میں قرآن پاک کے ایک لاکھ نسخے شائع کرنے کا اعلان



ترجمان کا مزید کہنا تھا کہ دیگر مسلمان ممالک بھی مسلمانوں کے عقائد کی توہین کی اس مذموم حرکت پر سویڈن کے ساتھ اپنے تعلقات پر غور کریں۔

Statement of the Islamic Emirate on the Suspension of Sweden's Activities in Afghanistanhttps://t.co/bNvzgdfrW6 pic.twitter.com/wpARmeMZhx

— Zabihullah (..ذبـــــیح الله م ) (@Zabehulah_M33) July 11, 2023

قرآن پاک کی بے حرمتی پر یمن کی حوثی اتھارٹی بھی سویڈش درآمدات پر پابندی عائد کرنےکا اعلان کر چکی ہے۔ سویڈن کے دارالحکومت اسٹاک ہوم کی مسجد کے باہر عید الاضحیٰ کے روز قرآن پاک کو نذرآتش کرنے اور بے حرمتی کا واقعہ پیش آیا تھا۔