طالبان موجودہ حالات میں بھی مذاکرات جاری رکھنے کیلئے تیار ہیں پروفیسر ابراہیم

مذاکرات کے حوالے سے فی الحال مشکلات ہیں جو انشاء اللہ جلد دور کر لی جائیں گی، رکن طالبان کمیٹی فوٹو: فائل

---

طالبان کمیٹی کے رکن پروفیسر ابراہیم کا کہنا ہے کہ وزیر داخلہ چوہدری نثار علی خان کا بیان غیر معمولی ہے لیکن طالبان موجودہ حالات میں بھی مذکرات جاری رکھنے کے لئے تیار ہیں۔

ایکسپریس نیوز کے مطابق پروفیسر ابراہیم کا کہنا ہے کہ ہم سنجیدہ لوگ ہیں اور مذاکرات سنجیدگی سے کر رہے ہیں، وزیر داخلہ چوہدری نثار علی خان کا بیان غیر معمولی ہے، موجودہ حالات میں بھی مذاکرات جاری رکھنے کے لئے تیار ہیں۔ ان کا کہنا تھا کہ مذاکرات کے حوالے سے فی الحال مشکلات ہیں جو انشاء اللہ جلد دور کر لی جائیں گی، ہم کوشش کررہے ہیں کہ مذاکرات آگے بڑھیں تاکہ پورے ملک میں امن قائم ہو سکے۔

واضح رہے کہ وزیر داخلہ چوہدری نثار علی خان نے گزشتہ روز اپنے ایک بیان میں کہا تھا کہ حکومت موجودہ صورت حال میں طالبان کے ساتھ مذاکرات جاری نہیں رکھ سکتی۔