کرکٹ کی گیندوں میں ہیروئن برطانیہ بھجوانے کی کوشش ناکام
نجی کوریئر کمپنی کے آفس میں مشکوک پارسل کی تلاشی کے دوران 270 گرام ہیروئن برآمد
اینٹی نارکوٹکس فورس نے کرکٹ کی گیندوں میں ہیروئن برطانیہ بھجوانے کی کوشش ناکام بنادی۔
ترجمان اے این ایف کے مطابق خفیہ اطلاع پر شاہراہ فیصل پر واقع نجی کوریئرکمپنی کے آفس میں کارروائی کے دوران ایک مشکوک پارسل کی تلاشی لی گئی۔
ترجمان کے مطابق دوران تلاشی پارسل میں موجود کرکٹ کی گیندوں میں مہارت سے چھپائی گئی 270 گرام ہیروئن برآمد کرلی گئی۔
ترجمان کے مطابق منشیات 6 گیندوں میں چھپائی گئی تھی، اس حوالے سے منشیات ایکٹ کے تحت مقدمہ درج کرکے تحقیقات کا آغازکردیا گیا ہے۔