ملک میں 22 فیصد شرح سود کاروبار کےلیے تباہ کن ہے وزیراعظم

آئی ایم ایف سے قرض مٹھائی بانٹنے کا موقع نہیں، آئی ایم ایف نے معیشت کو جکڑ رکھا ہے، شہباز شریف

ویب ڈیسک July 12, 2023

آئی ایم ایف سے قرض مٹھائی بانٹنے کا موقع نہیں، آئی ایم ایف نے معیشت کو جکڑ رکھا ہے، شہباز شریف

وزیرِاعظم محمد شہباز شریف نے ملک میں 22 فیصد شرح سود کو کاروبار کےلیے تباہ کن قرار دے دیا۔

شہباز شریف نے اسلام آباد چھٹے پاکستان فارما سمٹ اور ایوارڈز (PESA-2023) کی ایوارڈز تقریب سے خطاب کرتے ہوئے کہا کہ حکومت فارما انڈسٹری کی بہتری کے لیے کوشاں ہے، زندگی بچانے والی ادویات سے متعلق لائحہ عمل وضع کرنا چاہیے۔

شہباز شریف نے زور دیا کہ فارما انڈسٹری کا ملکی ترقی میں اہم کردار ہے اور وہ برآمدات کے فروغ میں اہم کردار ادا کرتی ہے، اس کی مشکلات سے واقف ہوں، جانتا ہوں پیداواری لاگت پہلے سے بڑھ چکی ہے، فارما صنعت غریب کی دوا کا خیال رکھے، حکومت اس کے جائز مطالبات منظور کرے گی

وزیراعظم کا کہنا تھا کہ ملک کو درپیش چیلنجز سے مل کر نمٹنا ہے، ملک میں 22 فیصد شرح سود کاروبار کےلیے تباہ کن ہے، مشکلات اور چیلنجز کا مل کر مقابلہ کریں گے۔

انہوں نے مزید کہا کہ آئی ایم ایف سے قرض مٹھائی بانٹنے کا موقع نہیں، آئی ایم ایف نے ہماری معیشت کو جکڑ کر رکھا ہے، لیکن ہمیں صبر کے ساتھ اسے قبول کرنا ہے۔