محرم الحرام کا چاند کب نظر آئے گا محکمہ موسمیات کی پیشگوئی

چاند کی پیدائش 17 جولائی کی رات 11 بج کر 32 منٹ پر ہوگی ، محکمہ موسمیات

ویب ڈیسک July 13, 2023

ملک کے متعدد شہروں میں مطلع ابر آلود ہونے کا امکان ہے، محکمہ موسمیات:فوٹو:فائل

محکمہ موسمیات نے محرم الحرام 1445 ہجری کے چاند سے متعلق پیشگوئی کردی ۔

محکمہ موسمیات کے کلائمیٹ ڈیٹا پروسیسنگ سینٹر کی پیشگوئی کے مطابق محرم کا چاند 18 جولائی 29 ذی الحج بروز منگل کو نظر آنے کا امکان ہے جبکہ یومِ عاشور 28 جولائی بروز جمعہ متوقع ہے۔

بیان میں مزید کہا گیا ہے کہ چاند کی پیدائش 17 جولائی کی رات 11 بج کر 32 منٹ پر ہوگی اور اس دوران ملک کے بیشتر علاقوں میں بادل چھائے رہنے کا امکان ہے۔ غروب آفتاب شام 7 بج کر24 منٹ پر ہونے کا امکان ہے جب کہ چاند رات 8 بجے طلوع ہو سکتا ہے۔ موسمیاتی ماہرین کا کہنا ہے کہ ملک کےکئی شہروں میں اس روز بادل چھائے رہنے کا امکان ہے۔

چاند دیکھنے کے لیے مرکزی رویت ہلال کمیٹی کا اجلاس چیئرمین مولاناعبد الخبیر آزاد کی زیرصدارت کوئٹہ میں ہوگا۔