نجی کورئیر کمپنی پر کارروائی برطانیہ کیلیے بک کیے گئے پارسل میں منشیات برآمد
اینٹی نارکوٹکس فورس ڈورکلوزر سے 735 گرام ہیروئن برآمدکرلی۔
اینٹی نارکوٹکس فورس نے شہرمیں واقع نجی کورئیر کمپنی پر کارروائی کے دوران برطانیہ کے لیے بک کیے گئے پارسل میں موجود ڈورکلوزر سے 735 گرام ہیروئن برآمدکرلی۔
ترجمان کے مطابق کراچی میں کورئیر کمپنی کے ہیڈ آفس پرخفیہ اطلاع کے ذریعے کارروائی کی گئی، جس کے دوران برطانیہ بھیجے جانے والے پارسل میں موجود دروازوں کے ڈورکلورز سے 735گرام ہیروئن برآمد کی گئی۔
ترجمان اے این ایف کے مطابق منشیات انتہائی مہارت سے ڈورکلورز کے باڈیزمیں چھپائی گئی تھی،ایک اورکارروائی کے دوران مین سپرہائی وے پررکشہ سے 12کلوگرام چرس قبضے میں لی گئی۔
کارروائی کے دورن کوئٹہ کے رہائشی ملزم کی گرفتاری عمل میں آئی، تمام ملزمان کے خلاف انسدادِمنشیات ایکٹ کے تحت مقدمات درج کر کے مزید تحقیقات کا آغاز کر دیا گیا۔