لاہور آٹھ سالہ بچی سے زیادتی کی کوشش کرنے والا درندہ گرفتار

گرفتار ملزم کی تصویر (فوٹو : پولیس)

---

لاہور پولیس نے آٹھ سالہ بچی سے زیادتی کی کوشش کرنے والے ملزم کو گرفتار کرلیا۔

ایکسپریس نیوز کے مطابق لاہور کے علاقے صوئے اصل میں آٹھ سالہ بچی ٹیوشن پڑھنے جا رہی تھی جہاں ملزم ہیریسن بچی کو ورغلا کر اپنے گھر لیے گیا، ملزم نے گھر جا کر بچی سے زیادتی کی کوشش کی تاہم بچی کے شور کرنے پر ملزم اسے گھر سے باہر چھوڑ کر فرار ہوگیا۔

صوئے اصل پولیس مددگار 15 کی کال پر فوری طور پر موقع پر پہنچی اور بچی کے والد کی مدعیت میں مقدمہ درج کیا بعدازاں پولیس نے جدید ٹیکنالوجی کی مدد سے ملزم کو بدوکی گاؤں سے گرفتار کرلیا، پولیس کے خلاف مزید قانونی کارروائی شروع کردی گئی ہے۔

ایس پی عمارہ شیرازی نے کہا ہے کہ بچوں اور خواتین کا استحصال کرنے والے کسی رعایت کے مستحق نہیں۔