ناقص کارکردگی حیسکو ٹنڈو الہیار میں بڑے پیمانے پر اکھاڑ پچھاڑ

ایس ای حیدرآباد ریجن نے ایس ڈی اوز، میٹر سپروائزر، میٹر ریڈرز، جونیئر و سینئر کلرکوں سمیت دیگر کے تبادلے کردیے۔ فوٹو : فائل

---

حیسکو ٹنڈوالٰہیار میں بڑے پیمانے پر اکھاڑ پچھاڑ، ناقص کارکردگی پر ایس ڈی اوز، میٹر سپروائزر، میٹر ریڈرز، جونیئر و سینئر کلرک سمیت بی ڈیز کے تبادلے کردیے گئے۔

تفصیلات کے مطابق ایس ای حیسکو سرکل نمبر1حیدرآباد ریجن ملک امتیاز الحق اعوان نے ٹنڈوالٰہیار کے تینوں سب ڈویژنوں میں بڑے پیمانے پر ایس ڈی اوز، میٹر سپروائزر، جونیئر و سینئر کلرکوں سمیت بل تقسیم کرنے والے بی ڈیز کا ایک سب ڈویژن سے دوسرے سب ڈویژن میں تبادلہ کردیا ہے۔

سب ڈویژن 2 کے ایس ڈی او ممتاز سوہوکی جگہ ڈگری سب ڈویژن کے ایس ڈی او غلام قادر خان کو، سب ڈویژن ون میں تعینات قائم مقام ایس ڈی او نثار چانڈیو کو تبدیل کرکے ان کی جگہ سب ڈویژن ہالا کے ایس ڈی او منیر احمد پنہور کو، میٹر سپروائزر1 شوکت علی کو سب ڈویژن ٹنڈوجام سے سب ڈویژن 2 میں، قربان علی شاہ کو سب ڈویژن 2 سے ٹنڈوجام، محمد علی قائم خانی کو سب ڈویژن 1 سے ٹنڈو جام، محمد سعید کو 2 سے ٹنڈوجام، محمد اسحاق کو2 سے ٹنڈوجام، ذوالفقار علی شاہ کو ٹنڈوجام سے 2، میٹر ریڈر عبدالستار کو 1 سے ٹنڈوجام، بی ڈیز (بل تقسیم کرنے والے) آصف علی کو سب ڈویژن 1 سے ٹنڈوجام، شہر کو ٹنڈوجام سے 2 اشفاق شاہ کو ٹنڈوجام سے 1،

زبیر کو ٹنڈوجام سے 2، امجد علی (بی ڈی) کو 2 سے ٹنڈوجام، عامر حسین کو 2 سے ٹنڈوجام، احتشام علی کو ٹنڈوجام سے 1، اللہ دنو کو 1 سے 2، نثار احمد کو ٹنڈوجام سے 1 یو ڈی سی، نظام الدین سب ڈویژن 1 سے ٹنڈوجام، اختر سریوال2 سے ٹنڈوجام، مقبول احمد کلرک کو شب ڈویژن2 سے ٹنڈوجام، گل محمد شاہ کو ٹنڈوجام سے 2، اسد اللہ کو ون سے 2 میں گلزار کو 2 سے 1 میں بابو درس کو ون سے ٹنڈوجام میں تبدیل کردیا ہے۔ امتیاز الحق نے ایکسپریس سے بات چیت کرتے ہوے کہاکہ مذکورہ کارروائی ناقص کارکردگی کی بنا پر کی گئی ہے۔