قومی اسمبلی کی تحلیل کے حوالے سے حتمی تاریخ کا فیصلہ نہیں ہوا وزیر اطلاعات

وفاقی وزیراطلاعات و نشریات مریم اورنگزیب نے کہا ہے کہ قومی اسملی تحلیل کرنے کی تاریخ کے حوالے سے کوئی فیصلہ نہیں ہوا۔

قومی اسمبلی کی تحلیل کے بارے میں میڈیا رپورٹس پر بیان دیتے ہوئے مریم اورنگزیب نے کہا کہ قومی اسمبلی کی تحلیل کی تاریخ پر ابھی فیصلہ نہیں ہوا ، پی ڈی ایم اور اتحادی جماعتوں کی مشاورت سے تاریخ کا فیصلہ ہوگا۔

انہوں نے کہا کہ قومی اسمبلی کی تحلیل کی تاریخ کے فیصلے کا باضابطہ اعلان کیا جائے گا۔


قبل ازیں حکومت ذرائع نے بتایا تھا کہ اتحادی جماعتوں کا اجلاس کچھ روز بعد بلایا جائے گا، جس میں قومی اسمبلی کی تحلیل کے حوالے سے مشاورت کی جائے گی اور پھر اسمبلی تحلیل کیلیے سمری صدر مملکت کو ارسال کی جائے گی۔ واضح رہے کہ قومی اسمبلی کی مدت 13 اگست رات بارہ بجے تک ہے۔

مزید پڑھیں: حکومت نے قومی اسمبلی تحلیل کرنے کا کوئی فیصلہ نہیں کیا

وزیر اعظم شہباز شریف نے بھی گزشتہ روز اپنی تقریر میں کہا تھا کہ 14 اگست کو نگران حکومت ملکی معاملات سنبھالے گی۔ ذرائع کے مطابق ابھی حکومت نے متعدد قانون سازی کرنی ہے جسے صدر مملکت کو بھیجا جائے گا اور پندرہ روز کے اندر صدر مملکت اس کی منظوری دیں گے۔