پاکستانی گلوکار ساحر علی بگا نے فلم بنانے کا اعلان کر دیا
فلم قومی سطح کی ہوگی جس میں حب الوطنی کے جذبے کو پروموٹ کیا جائے گا، ایکسپریس نیوز سے گفتگو
پاکستان کے نامورگلوکار ساحر علی بگا نے فلم بنانے کا اعلان کر دیا۔
ایکسپریس سے خصوصی بات چیت میں معروف گلوکار کا کہنا تھا کہ وہ ہمیشہ خوب سے خوب تر کی تلاش میں رہتے ہیں، ان کے پاس فلم کے بہت موضوعات موجود ہیں، کچھ لکھے ہوئے بھی ہیں اور وہ رواں برس باضابطہ طور پر فلم کا نام بھی ظاہر کریں گے۔
گلوکار کا کہنا تھا کہ یہ فلم قومی سطح کی ہوگی جس میں حب الوطنی کے جذبے کو پروموٹ کیا جائے گا، فلم جب بن کر سینما گھروں کی زینت بنے گی تو دیکھنے والوں کو مزہ آئے گا۔
اس موقع پر ساحرعلی بگا کے بیٹے اذان علی بگا کا کہنا تھا کہ اگر ان کے والد نے انہیں فلم میں کوئی کردار دیا تو وہ ضرور کریں گے۔
ایک سوال پر اذان علی بگا کا کہنا تھا کہ جب آپ کسی کو کاپی کرتے ہیں تو آپ اپنی شناخت کھو دیتے ہیں، گلوکاری میں بھی انہوں نے اپنا انداز اپنایا جسے دنیا بھر میں پسند کیا گیا، اداکاری میں بھی وہ اپنا اسٹائل لائیں گے وہ لوگوں کو پسند آئے گا۔