پاک فوج اورآئی ایس آئی سے اظہار یکجہتی کے لئے مسلم لیگ ق کی پنجاب بھر میں ریلیاں

منڈی بہاؤالدین، جہلم، جھنگ، مظفرگڑھ اور دیگر شہروں میں بھی پاک فوج اور آئی ایس آئی کے حق میں ریلیاں نکالی گئیں۔ فوٹو: فائل

---

پاک فوج اور آئی ایس آئی سے اظہار یکجہتی کے لئے مسلم لیگ (ق) کی جانب سے پنجاب بھر میں ریلیاں نکالی جارہی ہیں۔

مسلم لیگ (ق) کے زیراہتمام پاک فوج اور آئی ایس آئی سے اظہار یکجہتی کے لئے پنجاب کے مختلف شہروں میں آج ریلیاں نکالی جارہی ہیں۔ لاہور میں ریلی کے لئے مسلم لیگ ہاؤس پر کارکنوں کی بڑی تعداد جمع ہورہی ہے۔ شرکاء کی جانب سے پاک فوج کے حق میں نعرے بازی کی جارہی ہے۔ مسلم لیگ (ق) کے زیر اہتمام پاک فوج سے اظہار یکجہتی کے لئے گجرات میں ریلی نکالی گئی، شرکاء نے پاک فوج کے حق میں بینر اور پلے کارڈ اٹھا رکھے تھے۔

روالپنڈی میں مسلم لیگ (ق) کے مقامی رہنماؤں کی قیادت میں مسلم لیگ ہاؤس سے پریس کلب کے باہر ریلی نکالی گئی، گوجرانوالہ میں مسلم لیگ (ق) کے زیر اہتمام علاقوں میں اس کے علاوہ ملتان میں نواں شہرسے ابدالی روڈ، بہاول پور میں پاکستان مسلم لیگ (ق) کے زیراہتمام پاک فوج سے اظہار یکجہتی کے لئے ون یونٹ سے چوک فوارہ، گجرات میں ظہورپیلس سے ضلع کچہری چوک تک ریلی نکالی گئی۔ اس کے علاوہ منڈی بہاؤالدین، جہلم، جھنگ، مظفرگڑھ اور دیگر شہروں میں بھی پاک فوج اور آئی ایس آئی کے حق میں ریلیاں نکالی گئیں۔