رنبیر کپور نے عالیہ بھٹ کے ساتھ فٹبال نہ کھیلنے کی وجہ بتا دی

بالی ووڈ کے اداکار رنبیر کپور کا کہنا ہے کہ وہ اپنی اہلیہ عالیہ بھٹ کے ساتھ فٹبال نہیں کھیلنا چاہتے۔

بالی ووڈ کے مقبول ہیرو رنبیر کپور نے نے ایک انٹرویو میں یہ انکشاف کیا کہ وہ بچپن سے فٹبال کے دیوانے ہیں تاہم وہ چاہتے ہیں کہ انہیں کبھی اپنی بیوی اور اداکارہ عالیہ بھٹ کے مقابل فٹبال نہ کھیلنا پڑے۔


رنبیر کپور کا کہنا تھا کہ عالیہ بھٹ اچھی فٹبال کھیلتی ہیں اگر مجھے ہرا دیا تو وہ کافی عرصے تک اس کا جشن مناتی رہیں گی اور اگر میں نے انہیں ہرایا تو پھر باتیں سننا پڑیں گی۔ اس معاملے میں دونوں طرف سے مشکل میری ہے۔

اداکار رنبیر کپور بالی ووڈ کے اداکار دوستوں کے ساتھ فٹبال کھیلتے دکھائی دیتے ہیں اور ان کا ایک فٹبال کلب بھی ہے۔ رنبیر کے میچز کے دوران اکثر عالیہ بھٹ ان کی حوصلہ افزائی کے لیے موجود ہوتی ہیں۔