لیاقت آباد پولیس نے فوٹیجز کی مدد سے کارروائی کرتے ہوئے سرعام لڑکی پر تشدد اور ہراساں کرنے والے ملزم کو گرفتار کرلیا۔

12 سالہ مقدس گھریلو کام کرنے کے بعد گھر واپس آ رہی تھی۔ واپسی پر ملزم سرعام لڑکی کو تنگ کرتا اور ساتھ جانے کے لیے اکساتا رہا۔

لڑکی کے انکار پر ملزم نے مقدس کو تھپڑ مارا اور مسلسل ساتھ جانے کے لیے مجبور کرتا رہا۔ لڑکی کے گھر پہنچے پر ملزم فرار ہو گیا۔

ملزم شبیر کو پنڈی راجپوتاں سے گرفتار کرکے اس کیخلاف مقدمہ درج کرکے انویسٹیگیشن ونگ کے حوالے کردیا گیا۔

ایس پی ماڈل ٹاؤن عمارہ شیرازی نے کہا ہے کہ خواتین کا استحصال کرنے والے کسی رعایت کے مستحق نہیں۔