توشہ خانہ کیس چیئرمین پی ٹی آئی اور بشری بی بی کی عبوری ضمانت میں توسیع

احتساب عدالت نے 190 ملین پاؤنڈز اسکینڈل اور توشہ خانہ کیس میں چیئرمین پی ٹی آئی اور بشری بی بی کی عبوری ضمانت میں 26 جولائی تک توسیع کردی۔

احتساب عدالت اسلام آباد کے جج محمد بشیر نے نیشنل کرائم ایجنسی 190 ملین پاؤنڈ اور توشہ خانہ کیس میں چیئرمین پی ٹی آئی اور بشریٰ بی بی کی ضمانت کی درخواستوں پر سماعت کی۔


چیئرمین پی ٹی آئی کے وکیل خواجہ حارث عدالت میں پیش ہوئے اور سماعت ملتوی کرنے کی استدعا کی۔ خواجہ حارث نے موقف اپنایا کہ آئندہ سماعت پر دونوں مقدمات میں دلائل دوں گا۔

عدالت نے چیئرمین پی ٹی آئی اور بشریٰ بی بی کی عبوری ضمانت میں 26 جولائی تک توسیع کر کرتے ہوئے آئندہ سماعت پر چیئرمین پی ٹی آئی کو ذاتی حیثیت میں طلب کرلیا جبکہ آئندہ سماعت پر وکیل خواجہ حارث سے دلائل بھی طلب کرلیے۔