منی پور میں خواتین سے زیادتی دیکھ کر لرز گیا اکشے کمار

واقعہ میں ملوث افراد کو اتنی سخت سزا دی جائے کہ آئندہ کوئی ایسی جرات نہ کرسکے،اکشے کمار:فوٹو:فائل

---

اداکار اکشے کمار سمیت بالی ووڈ کے متعدد اسٹارز نے منی پور میں ہونے والے ہولناک واقعہ کی مذمت کی ہے۔

بالی ووڈ اداکار اکشے کمار نے سوشل میڈیا پر بیان میں کہا کہ منی پور میں خواتین کے ساتھ ہونے والے گھناؤنے واقعے کو دیکھ کر لرز گیا۔ امید ہے واقعہ میں ملوث افراد کو اتنی کڑی سزا دی جائے گی کہ آئندہ کوئی ایسا کرنے کی جرات نہ کرسکے۔

Shaken, disgusted to see the video of violence against women in Manipur. I hope the culprits get such a harsh punishment that no one ever thinks of doing a horrifying thing like this again.

— Akshay Kumar (@akshaykumar) July 20, 2023

ویٹرن اداکارہ ارملا متونڈکر کا کہنا تھا کہ منی پور میں ہونے والے واقعہ پر صدمے میں ہوں۔ اقتدار کے نشے میں دھت افراد ، میڈیا میں موجود ان جوتے چاٹنے والے جوکر اور اس واقعہ پر خاموش رہنے والے سیلبریٹیز کو شرم آنا چاہیے۔

Shocked,shaken,horrified at #manipur video n fact that it’s happened in May with no action on it. Shame on those sitting on their high horses drunk with power,jokers in media boot licking them,celebrities who r silent. When did we reach here dear Bharatiyas/Indians?

— Urmila Matondkar (@UrmilaMatondkar) July 20, 2023

 

اداکار رتیش دیش مکھ نے کہا کہ منی پور میں جو ہوا اس سے دل دہل گیا۔ اس واقعہ پر صدمے کے ساتھ ساتھ شدید غصہ ہے۔ خواتین کی عزت پر حملہ، انسانیت کے وقار پر حملہ ہے۔

اداکارہ ریچا چڈھا نے واقعہ کو ہولناک ، شرمناک اور لا قانونیت قرار دیا۔