فیروز خان نے سابق اہلیہ سے متعلق  مداحوں سے کیا درخواست کی

علیزا سلطان نے فیروز خان پر ذہنی اور جسمانی تشدد کے الزامات عائد کیے تھے:فوٹو:فائل

---

اداکار فیروز خان نے سابق اہلیہ علیزا سے متعلق مداحوں سے درخواست کردی۔

سماجی رابطے کی ویب سائٹ ٹوئٹر پر پیغام میں اداکار فیروز خان نے اپنے مداحوں سے سابق اہلیہ علیزا سلطان پرتنقید نہ کرنے کی درخواست کی۔

فیروز خان کا کہنا تھا کہ جو کچھ ہوا وہ ہم دونوں کے درمیان تھا اور اب ہمارے درمیان کچھ نہیں ہے۔ یہ بہت اچھا ہوگا کہ میرے مداح علیزا کو تنہا چھوڑ دیں، ان کے لیے آسانی پیدا کریں اور انہیں دوبارہ سکون سے زندگی گزارنے میں مدد فراہم کریں۔

- I would request my fans; to leave Aliza alone :) whatever happened was between us and there’s nothing between us now. it would be great if my people make it easier for her support her and bring her back to ease.

Thank you ! ♥️ no more hate people. #LETSALLBECOMEALPHA

— Feroze Khan (@ferozekhaan) July 20, 2023

فیروز خان نے مداحوں کا شکریہ ادا کرتے ہوئے کہا کہ اب مزید نفرت نہیں۔ علیزا سلطان کے بارے میں ایک مداح نے کہا کہ آپ چاہتے ہیں کہ ہم ان کو سپورٹ کریں جنہوں نے آپ کے سلسلے میں وقار کا مظاہرہ نہیں کیا اور آپ کے نام اور شہرت کو نقصان پہنچایا جس پر فیروز خان نے جواب دیا کہ ہوسکتا ہے علیزا نے اپنے وقت پر اورانداز میں مجھے سپورٹ کیا ہو۔ مہربان بنیں۔

فیروز خان اور علیزا سلطان میں 2022 میں علیحدگی ہوگئی تھی۔ علیزا سلطان نے فیروز خان پر جسمانی نفسیاتی تشدد کے الزامات عائد کیے تھے۔