بابر اعظم کو ملنے والے چیک پر غلط رقم درج سری لنکا کرکٹ کی معذرت

کپتان بابر اعظم کو پیش کردہ چیک پر الفاظ میں رقم 2 ہزار امریکی ڈالرز جبکہ نمبرز میں 5 ہزار درج تھی۔ فوٹو: ٹوئٹر

---

گال ٹیسٹ کے فاتح کپتان بابر اعظم کو ملنے والے چیک پر غلط رقم درج کردی گئی۔

گال ٹیسٹ کی اختتامی تقریب میں مڈل آرڈر بیٹر سعود شکیل کو پلیئر آف دی میچ ٹرافی اور 2 ہزار امریکی ڈالرز کا چیک انعام میں ملا، کپتان بابر اعظم کو پیش کردہ چیک پر الفاظ میں رقم 2 ہزار امریکی ڈالرز جبکہ نمبرز میں 5 ہزار درج تھی۔

یہ بھی پڑھیں: گال ٹیسٹ؛ سعود شکیل نے کئی شہرہ آفاق کرکٹرز کو پیچھے چھوڑ دیا

سوشل میڈیا صارفین نے اس غلطی کی نشاندہی کرتے ہوئے دلچسپ تبصرے کیے، بعدازاں سری لنکا کرکٹ نے پرنٹنگ کی غلطی پر معذرت کرتے ہوئے وضاحت کر دی کہ اصل رقم 5 ہزار امریکی ڈالر ہی ہے۔