صلہ حسین نے شوبز میں واپسی سے انکار کردیا

کسی سے کوئی گلہ نہیں،شوبز سے دوررہنا ہی میرے لیے بہتر ہے ،صلہ حسین. فوٹو: فائل

---

اداکارہ صلہ حسین نے شوبز میں واپسی کے امکانات کو ہی ختم کردیا ۔ تفصیلات کے مطابق اداکارہ صلہ حسین گذشتہ روز دبئی سے لاہور پہنچیں تو انھوں نے میڈیا سے گفتگو کرتے ہوئے کہا کہ شوبز سے میرے دور رہنا ہی بہتر ہے اور میں دور ہی رہنا چاہتی ہوں، اسی لیے آفرز کے باوجود انکار کردیا۔

انھوں نے کہا کہ میں سمجھتی ہوں کہ آپ کو جو اچھا لگے وہ کریں، میں نے جتنا کام کرنا تھا کرلیا ۔ صلہ حسین نے کہا کہ مجھے کسی سے کوئی گلہ اور شکایت نہیں ہے۔ شوبز میں کام نہ کرنے کا فیصلہ کسی کے دبائو سے نہیں بلکہ خود ہی کیا ہے ۔ یاد رہے صلہ حسین نے کیرئیر کا آغاز ماڈلنگ سے کیا تھا ، بعدازاں انھوں نے ''بھائی لوگ '' ، ''شاہ مراد'' اور ''کمپنی'' نامی فلموں میں کام کیا ، مگر بطور ہیروئن کامیاب حاصل نہ کرسکیں اس کے علاوہ چند ایک ٹی وی ڈراموں کے ساتھ کمپیئرنگ بھی کی ۔