باڑہ میں تحصیل کمپاؤنڈ پر حملے کی سی سی ٹی وی فوٹیج سامنے آگئی
حملہ آور جوابی کارروائی کی وجہ سے کمپاؤنڈ میں داخل نہیں ہوسکے
ضلع خیبر کی تحصیل باڑہ میں خودکش حملے کی سی سی ٹی وی فوٹیج سامنے آگئی۔
سی سی ٹی وی فوٹیج کے مطابق حملہ آووروں نے 11 بجکر 13 منٹ پر تحصیل کمپاؤنڈ میں گھسنے کی کوشش کی اور خاصہ دار فورس کی وردی پہنے دو دہشت گردوں نے تحصیل کمپاؤنڈ کے گیٹ پر فائرنگ شروع کردی۔
فوٹیج میں دیکھا جاسکتا ہے کہ حملہ آور جوابی کارروائی کی وجہ سے کمپاؤنڈ میں داخل نہیں ہوسکے، دہشت گرد گیٹ کے قریب آئے تو پولیس کی فائرنگ سے ان کے خود کش جیکٹ پھٹ گئے۔
جمعرات کو باڑہ میں تحصیل کمپاؤنڈ کے مرکزی گیٹ پر خودکش دھماکے کے نتیجے میں 4 افراد شہید اور 8 زخمی ہوئے تھے جس میں پولیس اہلکار اور شہری شامل ہیں۔
[video width="480" height="270" mp4="https://c.express.pk/2023/07/bara-video-1690033629.mp4"][/video]