بھارت کیخلاف فائنل سے قبل بابر اعظم کے شاہینز کو مفید مشورے

حریف کا کوئی اضافہ دباؤ لیے بغیر اپنے بہترین کھیل کا مظاہرہ کریں، کپتان

Sports Reporter July 23, 2023

حریف کا کوئی اضافہ دباؤ لیے بغیر اپنے بہترین کھیل کا مظاہرہ کریں، کپتان۔ فوٹو: پی سی بی

بھارت کیخلاف فائنل سے قبل بابر اعظم نے شاہینز کو مفید مشورے دیدیے۔

ایمرجنگ ایشیا کپ فائنل سے قبل بابر اعظم پاکستان شاہینز کی حوصلہ افزائی کیلیے پہنچ گئے، دونوں ٹیمیں اس وقت کولمبو میں موجود ہیں، پاکستان شاہینز کو اتوار کے روز پریماداسا اسٹیڈیم میں بھارتی ٹیم کے مقابل آنا ہے،قومی ٹیسٹ ٹیم کا سری لنکا سے دوسرا ٹیسٹ دوسرے وینیو سنہالیز اسپورٹس کلب میں پیر کو شروع ہوگا۔

یہ بھی پڑھیں: ایمرجنگ ایشیاکپ؛ پاکستان فائنل میں پہنچ گیا

کپتان بابر اعظم نے پاکستان شاہینز کے کھلاڑیوں سے گفتگو کرتے ہوئے انھیں فائنل میں بے خوف ہوکر کھیلنے کا مشورہ دیا، انھوں نے قومی ٹیم کی بھارت کیخلاف فتوحات کا حوالہ دیتے ہوئے کہا کہ حریف کا کوئی اضافہ دباؤ لیے بغیر اپنے بہترین کھیل کا مظاہرہ کریں۔

Pakistan captain @babarazam258 gives a pep talk to the Shaheens side ahead of the #ACCMensEmergingTeamsAsiaCup final 🇵🇰 pic.twitter.com/CVJUim0ZBb
— Pakistan Cricket (@TheRealPCB) July 22, 2023