3 سالہ بچے کو 40 فٹ گہرے کنویں سے زندہ نکال لیا گیا

کنویں کو استعمال نہ کرنے کے باوجود کھلا چھوڑ دیا گیا تھا:فوٹو:سوشل میڈیا

---

بھارت میں کنویں میں گرنے والے 3 سالہ بچے کو زندہ نکال لیا گیا۔

بھارتی میڈیا کے مطابق ریاست بہار کے علاقے نلدا میں کھیت میں کام کرنے والی ایک خاتون کا بچہ کھیلنے کے دوران پیر پھسلنے کے باعث 40 فٹ گہرے کنویں میں جا گرا۔ بچے کی ماں نے فوری طور پر پولیس کو اطلاع دی۔

امدادی ٹیموں نے موقع پر پہنچ کر بچے کو صحیح سلامت نکالنے کی کوششیں شروع کیں اور 6 گھنٹے طویل آپریشن کے بعد بچے کو کنویں سے زندہ نکال لیا گیا۔ بچے کو فوری طور پر اسپتال منتقل کیا گیا جہاں اس کی حالت تسلی بخش ہے۔

#WATCH | Bihar: The child who fell into a borewell in Kul village in Nalanda has been rescued. More details are awaited. https://t.co/G6FW8RDIJJ pic.twitter.com/KQouMHkffD

— ANI (@ANI) July 23, 2023

پولیس حکام کے مطابق کسانوں نے زیر زمین پانی استعمال میں لانے کے لیے کنواں کھودا تھا تاہم پانی نہ نکلنے پر کنویں کو بند کرنے بجائے کھلا چھوڑ دیا تھا۔