پاک بھارت ورلڈکپ مقابلہ بی سی سی آئی نے اہم اجلاس طلب کرلیا

14 اکتوبر کو میچ شیڈول ہونے پر پاکستان کو مشکلات کا سامنا کرنا پڑسکتا ہے، رپورٹس

ویب ڈیسک July 27, 2023

14 اکتوبر کو میچ شیڈول ہونے پر پاکستان کو مشکلات کا سامنا کرنا پڑسکتا ہے، رپورٹس (فوٹو: ٹوئٹر)

بھارتی کرکٹ بورڈ (بی سی سی آئی) نے پاک بھارت ورلڈکپ میچ کو ری شیڈول کرنے کے حوالے سے اہم اجلاس طلب کرلیا۔

گزشتہ روز بھارتی میڈیا کی جانب سے رپورٹس سامنے آئیں تھی کہ سیکیورٹی ایجنسیوں نے بھارتی کرکٹ بورڈ (بی سی سی آئی) کو تاریخ ری شیڈول کرنے کی تجویز دی کیونکہ 15 اکتوبر کو ہونے والے پاک بھارت ٹاکرے کے ساتھ ہندو مذہب کا تہوار نوراتری شروع ہورہا ہے جس کے باعث سیکیورٹی اہلکار وہاں ڈیوٹی سرانجام دیں گے۔

سیکورٹی ایجنسیوں نے بی سی سی آئی کو سفر کے پروگرام میں تبدیلی کرنے کا مشورہ دیا ہے۔

مزید پڑھیں: ورلڈکپ؛ پاک بھارت مقابلے کی تاریخ تبدیل ہونے کا امکان، وجہ کیا ہے؟

بی سی سی آئی عہدیدار کا کہنا ہے کہ پاکستان اور بھارت کے درمیان ہائی پروفائل گیم کی وجہ سے ہزاروں شائقین کے احمد آباد پہنچنے کی توقع ہے جس سے سیکیورٹی کے مسائل جنم لے سکتے ہیں۔

دوسری جانب اگر ورلڈکپ میں پاک بھارت مقابلہ ری شیڈول کرکے 14 اکتوبر کو کیا جاتا ہے تو گرین شرٹس کو 12 اکتوبر کو سری لنکا کے خلاف میچ کے فوری بعد احمد آباد پہنچے گا جبکہ ٹیم کو صرف ایک روز ٹریننگ کرنے کا موقع ملے گا۔

مزید پڑھیں: پاک بھارت ورلڈکپ میچ کے اشتہار کی فیس فی 10سیکنڈز 30 لاکھ روپے

دوسری طرف بھارتی ٹیم اپنا میچ 11 اکتوبر کو افغانستان کیخلاف کھیلے گی بعدازاں انکے پاس ٹریننگ کرنے کا موقع موجود ہوگا۔

بھارتی بورڈ میگا ایونٹ کے انتظامات کو فائنل کرنے کیلئے ورلڈکپ ورکنگ گروپ بنارہا ہے جس میں صدر راجر بنی کے علاوہ سکریٹری جے شاہ سمیت پانچ ارکان شامل ہوں گے۔

مزید پڑھیں: ورلڈکپ؛ پاک بھارت مقابلہ 1 دن پہلے ہونے کا امکان

واضح رہے کہ پاکستان کی جانب سے ورلڈکپ میں بھارت کے خلاف میچ ری شیڈول کرنے کے حوالے سے کوئی بیان سامنے نہیں آیا ہے تاہم بورڈ کو تشویش ہے۔