ورلڈکپ ٹکٹس کی آن لائن فروخت کب شروع ہوگی تاریخ سامنے آگئی

شیڈول میں ردو بدل کے بعد ایسوسی ایشنز 31 جولائی تک ٹکٹوں کی قیمت کو فائنل کریں گی، رپورٹس

ویب ڈیسک July 29, 2023

شیڈول میں ردو بدل کے بعد ایسوسی ایشنز 31 جولائی تک ٹکٹوں کی قیمت کو فائنل کریں گی، رپورٹس (فوٹو: فائل)

آئی سی سی کرکٹ ورلڈکپ 2023 کیلئے ٹکٹوں کی آن لائن فروخت کا آغاز 10 اگست سے شروع ہونے کا امکان ہے۔

بھارتی میڈیا کی رپورٹس کے مطابق بھارت میں شیڈول ورلڈکپ کیلئے شائقین کرکٹ کو اسٹیڈیم میں داخلے کیلئے فزیکل ٹکٹس کی ضرورت ہوگی البتہ شیڈول میں ردو بدل کے بعد ایسوسی ایشنز 31 جولائی تک ٹکٹوں کی قیمت کو فائنل کریں گی۔

رپورٹس میں کہا گیا ہے کہ میچز کے ٹکٹس آن لائن خریدنے کے بعد فینز کو کلیکشن سینٹرز سے فزیکل ٹکٹس لینا ہوگا، بعدازاں انہیں اسیٹیڈیم میں میچ دیکھنے کی اجازت ہوگی۔

مزید پڑھیں: ورلڈکپ؛ شائقین کرکٹ کیلئے ای ٹکٹس کی خریداری سے متعلق بڑا اعلان

فینز کی تعداد کو مدنظر رکھتے ہوئے بڑی تعداد میں کلیکشن سینٹرز کو اسٹیڈیم کے قریب بنانے کیلئے کام شروع کردیا گیا ہے۔

بی سی سی آئی حکام نے کرکٹ ایسوسی ایشنز کو آئی سی سی اور بھارتی بورڈ کا کوٹہ رکھنے کا بھی حکم دیا ہے، جس میں 300 ٹکٹس فی میچ رکھے جائیں گے۔

مزید پڑھیں: پاک بھارت ورلڈکپ میچ کے اشتہار کی فیس فی 10سیکنڈز 30 لاکھ روپے

ورلڈکپ میچز کے دوران ٹکٹوں کی حتمی قیمت سامنے نہیں آئی لیکن رپورٹس میں دعویٰ کیا گیا ہے کہ لیگ میچز کے ٹکٹ کی قیمت 1200، بھارت کے میچ کے ٹکٹس کی قیمت 1300 سےزائد جبکہ ایسوسی ایشنز بھارتی بورڈ کو 500 جنرل ٹکٹس فی میچ فری دیں گی۔

مزید پڑھیں: ورلڈکپ؛ پاک بھارت مقابلہ 1 دن پہلے ہونے کا امکان

گزشتہ روز بھارتی کرکٹ بورڈ (بی سی سی آئی) کے سربراہ جے شاہ نے اعلان کیا تھا کہ رواں برس بھارت میں شیڈول ورلڈکپ میچز کیلئے کرکٹ فینز کو ای ٹکٹ کی سہولت دستیاب نہیں ہوگی، احمد آباد اور لکھنؤ جیسے بڑی گنجائش والے اسٹیڈیمز کے لیے میگا ایونٹس کے دوران ای ٹکٹس ممکن نہیں۔