ٹیم سے ڈراپ ویراٹ کوہلی ساتھی پلیئرز کو پانی پلانے لگے

ویراٹ کوہلی نے یزویندر چاہل کے ہمراہ ساتھی پلیئرز کے لیے وقفے میں کھانے پینے کی اشیا لے کر گراؤنڈ میں داخل ہوئے۔ فوٹو: اسکرین گریب

---

ٹیم سے ڈراپ ہونے والے کرکٹر ویراٹ کوہلی دوران میچ ساتھی پلیئرز کو پانی پلاتے ہوئے نظر آئے۔

ویسٹ انڈیز سے دوسرے ون ڈے میں ڈراپ ہونے والے بھارتی اسٹار کرکٹر ویراٹ کوہلی دوران میچ ساتھی پلیئرز کو پانی پلانے کی ذمہ داری نبھاتے ہوئے نظر آئے۔

ویراٹ کوہلی نے یزویندر چاہل کے ہمراہ ساتھی پلیئرز کے لیے وقفے میں کھانے پینے کی اشیا لے کر گراؤنڈ میں داخل ہوئے، چاہل کو بھی ٹور میں اب تک کوئی میچ نہیں مل سکا ہے۔

یہ بھی پڑھیں: کوہلی بمقابلہ دھونی؛ دونوں کتنی جائیداد کے مالک ہیں؟ جانیے

ون ڈے ورلڈ کپ کے پیش نظر بھارتی ٹیم اپنے تمام نئے پلیئرز کو بھی انٹرنیشنل کرکٹ میں آزماکر دیکھنا چاہتی ہے، سنجو سیمسن اور اکشر پٹیل کو اس مقابلے میں موقع فراہم کیا گیا تھا لیکن تبدیلیوں کے مثبت نتائج سامنے نہیں آئے۔

ویسٹ انڈیز نے مقابلہ 6 وکٹ سے جیت کر سیریز میں واپسی کرلی ہے۔