دی ہنڈریڈ عماد وسیم نے ابتدائی میچ میں ہی تہلکہ مچادیا

آل راؤنڈر کی ٹیم نے افتتاحی میں کامیابی سمیٹ لی

ویب ڈیسک August 02, 2023

آل راؤنڈر کی ٹیم نے افتتاحی میں کامیابی سمیٹ لی (فوٹو: ٹوئٹر)

دی ہنڈریڈ میں قومی ٹیم کے آل راؤنڈر عماد وسیم نے جارحانہ کھیل کا مظاہرہ کرتے ہوئے اپنی ٹیم کو افتتاحی میچ میں کامیابی دلوادی۔

ایونٹ میں ٹرینٹ راکٹس کی نمائندگی کرنے والے عماد وسیم نے پہلے بیٹنگ کرتے ہوئے تین چوکوں کی مدد سے 26 رنز بنائے، جس کے باعث انکی ٹیم حریف سدرن مینز کو 134 رنز کا ہدف دیا۔

عماد وسیم نے آل راؤنڈ کارکردگی کا مظاہرہ کیا اور بالنگ میں 2.3 اوورز میں 15 کے عوض 2 کھلاڑیوں کو بھی پویلین کی راہ دیکھائی، انہوں نے فن ایلن کو 28 اور کپتان جیمز ونس کو شکار کیا۔

مزید پڑھیں: دی ہنڈریڈ؛ پاکستان کے کونسے 6 کھلاڑی کھیلتے ہوئے دکھائی دیں گے

واضح رہے کہ پاکستان کی جانب سے انگلش لیگ میں ویلش فائر کی طرف سے فاسٹ بولر شاہین شاہ آفریدی، حارث رؤف اِن ایکشن ہوں گے جبکہ اسامہ میر اور زمان خان مانچسٹر اوریجنلز اسکواڈ کا حصہ ہوں گے۔

آل راؤنڈر شاداب خان برمنگھم فینکس اور نوجوان پیسر احسان اللہ اوول انوینسیبلز کی نمائندگی کریں گے۔