کراچی میں مسلح ملزمان نے کپڑوں کے آؤٹ لیٹ کا صفایا کردیا

فوٹیج میں سرپرٹوپی پہنے باریش ملزم کوساتھی سمیت آؤٹ لیٹ میں داخل ہوتے دیکھا جا سکتا ہے۔

Staff Reporter August 05, 2023

مسلح ملزمان نے آؤٹ لیٹ پرموجود شخص کی تلاش لی اور کیش کاؤنٹرپرموجود نقدی لیکر فرار ہوگئے

فیڈرل بی ایریا گلشن شمیم میں 2 نامعلوم مسلح ملزمان نے اسلحے کے زورپرکپڑوں کے آؤٹ لیٹ کا صفایا کردیا ۔

فیڈرل بی ایریا بلاک 9 گلشن شمیم میں کپڑوں کے آؤٹ لیٹ میں ڈکیتی کی واردات کی سی سی ٹی فوٹیج سامنے آگئی ۔ سرپرٹوپی پہنے باریش ملزم کوساتھی سمیت اندر داخل ہوتا دیکھا جا سکتا ہے۔

مسلح ملزمان نے آؤٹ لیٹ پرموجود شخص کی تلاش لی اور کیش کاؤنٹر پر موجود نقدی لیکر فرار ہوگئے۔ فوٹیج میں ملزمان کےچہرے واضح ہیں،پولیس نے سی سی ٹی وی فوٹیج کی مدد سے ملزمان کی تلاش شروع کردی۔

فیڈرل بی ایریا بلاک نو میں کپڑوں کی دکان میں ملزمان کی واردات ۔شہر لاوارث کا المیہ ہے لٹیرے بلا خوف #کراچی شہر میں وارداتیں کرنے لگے ہیں۔لٹیرے تین منٹ تک بلا خوف کپڑے کی دوکان لوٹ کر باآسانی فرار ہو گئے۔فوٹیج منظر عام پر آنے کے باوجود پولیس ملزمان کی گرفتاری میں ناکام ہے ۔ pic.twitter.com/WWb5hBNA3E
— Sყҽԃ Mσɳιʂ Jαʋҽԃ (@JavedMonis) August 4, 2023