یوٹیوب انفلوئنسر کا پلے اسٹیشن 5 بانٹنے کا اعلان ہزاروں افراد پہنچ گئے ہنگامہ برپا

ہنگامہ اور توڑ پھوڑ کرنے والے 65 افراد کو بھی حراست میں لے لیا گیا:فوٹو:سوشل میڈیا

---

پلے اسٹیشن 5 اور دیگر قیمتی اشیا مفت بانٹنے کا اعلان مشہور یوٹیوبر کو مہنگا پڑ گیا، پولیس نے ہنگامہ آرائی پر یوٹیوبر کو گرفتار کرلیا۔

غیر ملکی میڈیا کے مطابق امریکا کے مشہور یوٹیوب انفلوئنسر کاسنیٹ نے سوشل میڈیا پر پلے اسٹیشن 5 اور دیگر قیمتی اشیا مفت بانٹنے کا اعلان کیا جس کے بعد ہزاروں افراد نیویارک کے علاقے مین ہیٹن کے یونین اسکوائر پہنچ گئے۔

غیرمعمولی ہجوم پر قابو پانے کے لیے پولیس کو طلب کیا گیا تو مجمع نے پولیس پر بوتلیں اور کرسیاں پھینکیں۔ سیکڑوں افراد اور پولیس کے درمیان جھڑپوں سے اطراف کی گلیاں میدان جنگ بن گئیں، جھڑپوں میں دھوئیں کے بم بھی پھینکے گئے۔

Mayhem broke out when Twitch streamer @KaiCenat held a giveaway in Union Square today #whatisnewyork pic.twitter.com/vOlVJd6okM

— WhatIsNewYork (@whatisny) August 4, 2023

پولیس نے ہنگامہ آرائی اور افراتفری پر اکسانے کے الزام میں انفلوئنسر کاس نیٹ کو گرفتار کرلیا۔ ہنگامہ آرائی اور گاڑیوں کو نقصان پہنچانے پر 65 سے زائد افراد کو بھی حراست میں لے لیا گیا جب کہ زیر حراست انفلوئنسر سے مزید تفتیش کی جا رہی ہے۔