ایمن خان اور منیب بٹ کے گھر دوسری بچی کی پیدائش
سوشل میڈیا پر خبر شیئر ہوتے ہی مداحوں اور ساتھی فنکاروں کی طرف سے مبارکباد کا تانتا بندھ گیا
پاکستان شوبز انڈسٹری کے معروف جوڑے ایمن خان اور منیب بٹ کے گھر دوسری بچی کی پیدائش ہوئی ہے۔
ایمن خان کی بہن منال خان نے اپنے انسٹاگرام پر خوشی کی خبر کو شیئر کیا اور بتایا کہ بچی کی پیدائش سات اگست کو ہوئی ہے جبکہ اس کا نام میرال منیب رکھا گیا ہے۔
سوشل میڈیا پر خبر شیئر ہوتے ہی جہاں مداحوں کی طرف سے مبارکباد کا تانتا بندھ گیا وہیں شوبز فنکاروں نے بھی جوڑے کیلئے نیک تمناؤں کا اظہار کیا ہے۔
بیٹی کی پیدائش کی خبر سامنے آنے کے بعد اب مداح انتظار کررہے کہ شوبز جوڑی اپنی بچی کا دیدار کب کراتے ہیں۔
منیب بٹ اور ایمن خان کی شادی 2018 میں ہوئی تھی اور ان کی پہلی بیٹی کا نام امل منیب ہے۔