انٹرا پارٹی الیکشن پی ٹی آئی کو 15 اگست تک جواب جمع کرانے کی ہدایت
بیرسٹر گوہر نے الیکشن کمیشن میں پیش ہوکر جواب دینے کے لیے مزید وقت کی استدعا کی، جو 5 رکنی کمیشن نے منظور کرلی
الیکشن کمیشن آف پاکستان نے تحریک انصاف کو انٹرا پارٹی الیکشن کے معاملے پر 15 اگست تک جواب جمع کرانے کی ہدایت کی ہے۔
پی ٹی آئی انٹرا پارٹی انتخابات کے معاملے پر چیف الیکشن کمشنر کی زیر صدارت 5 رکنی کمیشن نے سماعت کی، جس میں پی ٹی آئی کے چیف الیکشن کمشنر بیرسٹر گوہر الیکشن کمیشن میں پیش ہوئے اور جواب جمع کرانے کے لیے مزید وقت مانگ لیا۔
بیرسٹر گوہر نے کمیشن کو بتایا کہ آج مجھے اہم کیس میں اسلام آباد ہائی کورٹ پیش ہونا ہے۔ الیکشن کمیشن جواب جمع کرانے کے لیے مزید وقت دے۔
الیکشن کمیشن نے انٹرا پارٹی انتخابات میں مزید وقت دینے کی استدعا منظور کرلی اور پی ٹی آئی انٹرا پارٹی انتخابات کیس کی سماعت 15 اگست تک ملتوی کردی۔
الیکشن کمیشن نے پی ٹی آئی کو انٹرا پارٹی انتخابات پر 15 اگست تک جواب جمع کرانے کی ہدایت کردی۔