ایم این اے خالد خان مگسی پر کسان امداد جویا کے قتل کا مقدمہ درج

مقدمے میں بلوچستان عوامی پارٹی کے رکن قومی اسمبلی خالد خان مگسی کو نامزد کیا گیا ہے (فوٹو: فائل)

---

بلوچستان کے ضلع جھل مگسی میں فائرنگ سے جاں بحق ہونے والے کسان امداد جویا کے قتل کا مقدمہ رکن قومی اسمبلی خالد خان مگسی کے خلاف درج کرلیا گیا۔

لیویزذرائع کے مطابق کسان امداد جویا کے قتل کا مقدمہ مقتول کی بیٹی ارباب جویا کی مدعیت میں لیویز تھانہ جھل مگسی میں درج کیا گیا ہے۔ مقدمے میں بلوچستان عوامی پارٹی کے رہنما اور رکن قومی اسمبلی خالد خان مگسی، ان کے بھائی رکن صوبائی اسمبلی نوابزادہ طارق خان مگسی کو نامزد کیا گیا ہے۔

کسان امداد جویا کے قتل کے مقدمے میں 5 دیگر افراد کو بھی نامزد کیا گیا ہے۔

واضح رہے کہ امداد جویا 3 روز قبل جھل مگسی میں فائرنگ کے نتیجے میں جاں بحق ہوگیا تھا۔