ژوب سی ٹی ڈی کیساتھ فائرنگ کا تبادلہ تین مبینہ حملہ آور ہلاک
ہلاک حملہ آوروں کا تعلق کالعدم تنظیم سے بتایا جاتا ہے، ترجمان سی ٹی ڈی
ژوب کے علاقے مرغہ کبزئی میں سی ٹی ڈی اور مبینہ حملہ آوروں کے درمیان فائرنگ کا تبادلے میں تین افراد ہلاک ہوگئے۔
ترجمان سی ٹی ڈی کے مطابق حملہ آوروں کی فائرنگ سے دو اہلکار زخمی ہوئے جبکہ ہلاک حملہ آوروں کا تعلق کالعدم تنظیم سے بتایا جاتا ہے۔
ہلاک ہونے والے تینوں حملہ آوروں کی لاشیں ڈی ایچ کیو اسپتال منتقل کر دی گئیں جن کی عمریں 30 اور 40 سال کے درمیان بتائی جا رہی ہیں۔