ایمن خان کے بعد انکی بہن منال کے ہاں بھی ننھے مہمان کی آمد متوقع
پیر کو ایمن خان اور منیب بٹ کے ہاں دوسری بیٹی کی پیدائش ہوئی تھی
پاکستان شوبز انڈسٹری کی معروف اداکارہ منال خان نے بھی خوشخبری سنادی۔
منال خان نے انسٹاگرام پر اپنی اور احسن محسن اکرام کی تصاویر شیئر کی ہیں جس میں وہ دونوں انتہائی خوش دکھائی دے رہے ہیں۔
ان تصاویر کے ساتھ اداکارہ نے لکھا کہ؛ ''دو دل تین بن رہے ہیں، ہمارے ننھے مہمان کی آمد کی اُلٹی گنتی شروع ہوگئی ہے''۔
یاد رہے کہ اداکارہ منال خان اور احسن محسن اکرام کی شادی ستمبر 2021 میں انجام پائی تھی۔
واضح رہے کہ دو روز قبل 7 اگست کو منال خان کی جڑواں بہن اور اداکار منیب بٹ کی اہلیہ ایمن خان کے ہاں دوسری بیٹی ''میرال خان'' کی پیدائش ہوئی تھی۔