امریکی صدر کو قتل کی دھمکی دینے والا ایف بی آئی کی کارروائی میں ہلاک

کریگ رابرٹسن نے سوشل میڈیا پوسٹ پر لکھا تھا کہ وہ صدر جوبائیڈن کو قتل کردے گا

ویب ڈیسک August 10, 2023

کریگ رابرٹسن نے سوشل میڈیا پوسٹ پر لکھا تھا کہ وہ صدر جوبائیڈن کو قتل کردے گا، فوٹو: ٹوئٹر

امریکی صدر جوبائیڈن کو قتل کی دھمکی دینے والا کریگ رابرٹسن ایف بی آئی کی چھاپا مار کارروائی کے دوران فائرنگ کے تبادلے میں مارا گیا۔

امریکی نشریاتی ادارے کے مطابق کریگ رابرٹسن نے سوشل میڈیا پر ایک پوسٹ میں لکھا تھا کہ یوٹاہ کے دورے پر آنے والے صدر جوبائیڈن کو قتل کردے گا جس کے لیے اس نے اسلحہ بھی خرید لیا ہے۔

کریگ رابرٹسن نے خود کو میگا ٹرمپر بھی ظاہر کیا جو سابق صدر ڈونلڈ ٹرمپ کے حامی استعمال کرتے ہیں۔

American president Joe Biden murder threat 1

قتل کی دھمکی دینے والے کریگ رابرٹسن نے ایک اور پوسٹ میں لکھا تھا کہ میں نے خواب میں جوبائیڈن کی سر کٹی لاش ڈی سی پارکنگ گیراج کے ایک تاریک کونے میں دیکھی ہے اور سر خون کے ایک بہت بڑے گڑھے میں پڑا ہے۔

تفتیشی ادارے ''ایف بی آئی'' نے ان پوسٹوں کو دیکھا اور صدر جوبائیڈن کے دورے سے پہلے دھمکی دینے والے شخص کو حراست میں لینے کی تیاری مکمل کرلی۔

American president Joe Biden murder threat 2

ایف بی آئی اے کے اہلکار صدر جوبائیڈن کو قتل کی دھمکی دینے اور اس کے لیے اسلحہ خریدنے والے ملزم کے گھر وارنٹ دینے رہے تھے کہ اس دوران فائرنگ کا واقعہ پیش آگیا جس میں کریگ رابگرٹسن کی موت واقع ہوگئی۔

ایک عینی شاہد نے میڈیا کو بتایا کہ میں نے صبح ساڑھے پانچ بجے اپنے کتے کے ساتھ چہل قدمی کے وقت پولیس کی گاڑیوں کو کریگ رابرٹسن کے گھر کا محاصرہ کیے ہوئے دیکھا تھا۔

American president Joe Biden murder threat

عینی شاہد اور کریگ رابرٹسن کے پڑوسی نے مزید بتایا کہ میں نے پولیس کو مائیکرو فون پر تین بار یہ کہتے ہوئے بھی سنا کہ مسٹر رابرٹس براہ مہربانی ہاتھ اُٹھا کر گھر سے باہر نکل آئیں۔

پڑوسی نے میڈیا کو یہ بھی بتایا کہ کچھ دیر خاموشی کے بعد مجھے فائرنگ کی آواز سنائی دی تھی۔