بنگلہ دیش کرکٹ بورڈ طویل مدت کے لیے کوچ کے تقرر کا خواہاں ہے،اس حوالے سے مقامی میڈیا میں کئی نام لیے جارہے ہیں۔

طویل فہرست میں پاکستان کے عاقب جاوید اور وسیم اکرم بھی شامل ہیں تاہم کسی جانب سے اس بارے میں تصدیق نہیں ہوئی۔ جلد ہی پانچ رکنی کوچ ہنٹ کمیٹی کا اجلاس ہوگا، جس میں محبوب انعام، جلال یونس، اکرم خان، نعیم الرحمان اور خالد محمود شامل ہیں۔ اکرم خان نے کہا کہ ہمارا مقصد طویل مدت کے لیے غیرملکی کوچ کی خدمات حاصل کرنا ہے، ہم نے پہلے ہی چند سے بات چیت کی اور باقی سے بھی کریں گے، فی الحال کسی کا نام نہیں لے سکتے۔