وفاقی اردو یونیورسٹی کے طلبہ کو منشیات سپلائی کرنے والا گرفتار

ملزم کو مزید تفتیش کے لیے انویسٹی گیشن پولیس کے سپرد کردیا گیا ہے

---

وفاقی اردو یونیورسٹی کے طلبہ کو منشیات سپلائی کرنے والا شخص گرفتار کرلیا گیا۔

عزیز بھٹی پولیس نے ایک کارروائی میں وفاقی اردو یونیورسٹی کے طلبہ کو نشہ سپلائی کرنے والے بدنام زمانہ منشیات فروش گرفتار کو کرلیا۔

ایس پی گلشن اقبال عزیر احمد کے مطابق گرفتار کیے گئے ملزم ابراہیم ولد سرفراز خان کے قبضے سے 2100 گرام چرس برآمد کرکے اینٹی نارکوٹکس ایکٹ کے تحت مقدمہ درج کرلیا گیا۔

وفاقی اردو یونیورسٹی کے طلبہ کو منشیات سپلائی کرنے والے ملزم کو مزید تفتیش کے لیے انویسٹی گیشن پولیس کے سپرد کردیا گیا ہے۔