عبدالحنان شاہد ایشین ہاکی چیمپئینز ٹرافی کے ایمرجنگ پلئیر قرار

قومی ٹیم پہلی بار ایونٹ کے سیمی فائنل میں جگہ حاصل کرنے میں ناکام ہوئی تھی

ویب ڈیسک August 13, 2023

قومی ٹیم پہلی بار ایونٹ کے سیمی فائنل میں جگہ حاصل کرنے میں ناکام ہوئی تھی (فوٹو: ایشین ہاکی فیڈریشن)

ایشین ہاکی چیمپئینز ٹرافی میں پاکستان کی نمائندگی کرنے والے عبدالحنان شاہد کو ایمرجنگ پلئیر کے ایوارڈ سے نواز دیا گیا۔

بھارت کے شہر چنئی میں کھیلے گئے ٹورنامنٹ میں بھارت نے ملائیشیا کو شکست دیکر ٹرافی اپنے نام کی جبکہ پاکستان ایونٹ میں پانچویں پوزیشن حاصل کرسکا۔

ایشین ہاکی فیڈریشن کا کہنا ہے کہ ٹورنامنٹ نے نئے کھلاڑیوں آگے آنے کا بہترین موقع فراہم کیا، عبدالحنان شاہد غیر معمولی کارکردگی کا مظاہرہ کرکے ٹورنامنٹ کے ایمرجنگ کھلاڑی کے طور پر اُبھر کے سامنے آئے۔

مزید پڑھیں: بھارت سےشکست کا بدلہ ایشین گیمز میں لیں گے، کپتان ہاکی ٹیم

یاد رہے کہ بھارت میں کھیلی جارہی ایشین ہاکی چیمپئینز ٹرافی میں پہلی بار پاکستان کی ٹیم ایونٹ کے سیمی فائنل میں رسائی حاصل کرنے میں ناکام رہی تھی، پاکستان کو آخری گروپ میچ میں بھارت کے ہاتھوں 0-4 سے شکست کا منہ دیکھنا پڑا تھا۔

Hero Emerging Player of the Tournament
Shahid Abdul # 9
Pakistan#Hero #HACT2023 #asiahockey pic.twitter.com/l9AxL4qROA
— Asian Hockey Federation (@asia_hockey) August 12, 2023