شاہین آفریدی کی برق رفتار ڈلیوری نے دنیا کو حیران کردیا
دی ہنڈرڈ ایونٹ کے دوران ہیلمٹ کیم فوٹیج سوشل میڈیا پر وائرل
دی ہنڈرڈ ایونٹ کے دوران ہیلمٹ کیم فوٹیج سوشل میڈیا پر وائرل۔ فوٹو: ٹویٹر
'جیسے بجلی کا کوندا لپکا ہو' شاہین شاہ آفریدی کی برق رفتار ڈلیوی نے دنیا کو حیران کردیا۔
پاکستانی فاسٹ بولر شاہین شاہ آفریدی اپنی خوفناک بولنگ کی وجہ سے دنیا بھر کے بیٹرز کیلیے ڈرائونا خواب بنے ہوئے ہیں، حریف بیٹرز کی وکٹیں ہوا میں اڑاتے اور اپنے یارکرز سے ان کا دل دہلاتے ہیں، وہ اپنی صلاحیتوں کو ہر طرح سے بھرپور اظہار کرچکے ہیں، وہ سردست ابتدائی اوورز میں حریف بیٹرز کو ٹھکانے لگانے کی وجہ سے دنیا بھر میں دھاک بٹھاچکے ہیں۔
انگلش ایونٹ دی ہنڈرڈ میں ان کی خطرناک بولنگ کے ایکشن کو ' ہیلمٹ کیم ' سے عکس بند کیا گیا، ان کی یہ ویڈیو سوشل میڈیا پر زیرگردش ہے، ہیلمٹ والے کیمرے سے بنائی گئی ویڈیو میں 23 سالہ پیسر کی شارٹ پچ ڈلیوری کو عکسبند کیا گیا، ایسا محسوس ہورہا تھا جیسے بجلی کا کوندا لپکا ہو۔
یہ بھی پڑھیں: آئی ایل ٹی؛ شاہین کو 'ڈیزرٹ وائپرز' نے سائن کرنے کا اشارہ دیدیا
پاکستان کے سابق فاسٹ بولر سرفراز نواز نے بھی حال ہی میں 23 سالہ شاہین شاہ آفریدی کو غیرمعمولی بولر قرار دیا، ان کا کہنا تھا کہ شاہین ایک انتہائی غیرمعمولی بولر ہیں، اپنے ابتدائی 2 سے 3 اوورز میں کافی مہلک ثابت ہوتے ہیں، میں نے نئی گیند کے ساتھ سوئنگ، سیم، پیس اور یارکر کرنے والے بولر بہت ہی کم دیکھے ہیں۔
شاہین شاہ آفریدی نے انگلینڈ کے دی ہنڈرڈ ایونٹ میں اپنی صلاحیتوں کے خوب جوہر دکھائے ہیں، اب وہ افغانستان کے خلاف 3 ون ڈے میچ کی سیریز میں ایکشن میں دکھائی دیں گے جوکہ سری لنکا میں کھیلی جائے گی۔
پاکستانی فاسٹ بولر شاہین شاہ آفریدی اپنی خوفناک بولنگ کی وجہ سے دنیا بھر کے بیٹرز کیلیے ڈرائونا خواب بنے ہوئے ہیں، حریف بیٹرز کی وکٹیں ہوا میں اڑاتے اور اپنے یارکرز سے ان کا دل دہلاتے ہیں، وہ اپنی صلاحیتوں کو ہر طرح سے بھرپور اظہار کرچکے ہیں، وہ سردست ابتدائی اوورز میں حریف بیٹرز کو ٹھکانے لگانے کی وجہ سے دنیا بھر میں دھاک بٹھاچکے ہیں۔
انگلش ایونٹ دی ہنڈرڈ میں ان کی خطرناک بولنگ کے ایکشن کو ' ہیلمٹ کیم ' سے عکس بند کیا گیا، ان کی یہ ویڈیو سوشل میڈیا پر زیرگردش ہے، ہیلمٹ والے کیمرے سے بنائی گئی ویڈیو میں 23 سالہ پیسر کی شارٹ پچ ڈلیوری کو عکسبند کیا گیا، ایسا محسوس ہورہا تھا جیسے بجلی کا کوندا لپکا ہو۔
یہ بھی پڑھیں: آئی ایل ٹی؛ شاہین کو 'ڈیزرٹ وائپرز' نے سائن کرنے کا اشارہ دیدیا
پاکستان کے سابق فاسٹ بولر سرفراز نواز نے بھی حال ہی میں 23 سالہ شاہین شاہ آفریدی کو غیرمعمولی بولر قرار دیا، ان کا کہنا تھا کہ شاہین ایک انتہائی غیرمعمولی بولر ہیں، اپنے ابتدائی 2 سے 3 اوورز میں کافی مہلک ثابت ہوتے ہیں، میں نے نئی گیند کے ساتھ سوئنگ، سیم، پیس اور یارکر کرنے والے بولر بہت ہی کم دیکھے ہیں۔
شاہین شاہ آفریدی نے انگلینڈ کے دی ہنڈرڈ ایونٹ میں اپنی صلاحیتوں کے خوب جوہر دکھائے ہیں، اب وہ افغانستان کے خلاف 3 ون ڈے میچ کی سیریز میں ایکشن میں دکھائی دیں گے جوکہ سری لنکا میں کھیلی جائے گی۔