اقتصادی کامیابی کیلیے تعاون کرتے رہیں گےجشن آزادی پرامریکا کی پاکستان کو یقین دہانی

پاکستان کے ساتھ تعاون کے نئے سال کا آغاز کر رہے ہیں، امریکی وزیر خارجہ

ویب ڈیسک August 14, 2023

پاکستان کے ساتھ تعاون کے نئے سال کا آغاز کر رہے ہیں، امریکی وزیر خارجہ (فوٹو: فائل)

امریکی وزارت خارجہ کی جانب سے جاری بیان میں پاکستان کو یوم آزادی کی مبارک دیتے ہوئے اس عزم کا اظہار کیا گیا ہے کہ امریکا اقتصادی کامیابی کے لیے پاکستان کی بھرپور حمایت جاری رکھے گا۔

امریکی وزارت خارجہ کی جانب سے جاری بیان میں وزیر خارجہ انٹونی بلنکن نے کہا کہ ریاست ہائے متحدہ امریکا کی حکومت کی طرف سے میں پاکستانی عوام کے ساتھ 14 اگست کو یوم آزادی پر نیک تمناؤں کا اظہار کرتا ہوں۔

Happy Independence Day to the people of Pakistan from the Consulate General of the United States in Karachi.

Today the American and Pakistani staff celebrate Pakistan’s Independence Day! On behalf of the American people, the U.S. Consulate General in Karachi congratulates the… pic.twitter.com/PjjDXn2xhV
— US Consulate Karachi (@usconsulatekhi) August 14, 2023

بیان میں مزید کہا گیا ہے کہ جب ہم تعاون کے نئے سال کا آغاز کر رہے ہیں اور پاکستان انتخابات کے انعقاد کی تیاری کر رہا ہے۔ ہم جامع اقتصادی ترقی، توانائی، امن اور علاقائی استحکام کو فروغ دینے کے منتظر ہیں۔

As we commemorate Pakistan's 🇵🇰 76th Independence Day, Ambassador Blome sends his best wishes to all Pakistanis. Let's celebrate the shared values that unite our nations and look forward to a future of cooperation, progress, and peace. Happy Independence Day, Pakistan! pic.twitter.com/f4jlQQXKS0
— U.S. Embassy Islamabad (@usembislamabad) August 13, 2023

انٹونی بلنکن نے مزید کہا کہ امریکا، پاکستان کے ساتھ 76 سالہ تعلقات کو قدر کی نگاہ سے دیکھتا ہے۔ ہم دونوں ممالک کے خوشحال مستقبل کی تشکیل کے لیے شراکت داری کو مزید مضبوط کرنے کے منتظر ہیں۔

یہ خبر پڑھیں : مقبوضہ کشمیر میں جشن آزادیٔ پاکستان خوش و خروش سے منایا جا رہا ہے

بیان میں اس عزم کا بھی اظہار کیا گیا کہ ملک کی اقتصادی کامیابی کے لیے امریکا کی پاکستان کی بھرپور حمایت جاری رہے گی۔ ہم جمہوری اصولوں اور قانون کی حکمرانی کے احترام کے عزم کا اشتراک کرتے ہیں۔

پاکستان میں امریکا کے سفیر ڈونلڈ بلوم نے کہا کہ تمام پاکستانیوں کو اپنی نیک خواہشات بھیجتے ہیں۔ آئیے ان مشترکہ اقدار کا جشن منائیں جو ہم کو متحد کرتی ہیں۔ تعاون، ترقی اور امن کے مستقبل کے منتظر ہیں۔ یوم آزادی مبارک ہو، پاکستان!

یہ خبر بھی پڑھیں : 76 واں جشن آزادی آج جوش وخروش کے ساتھ منایا جارہا ہے

Happy Independence Day, Pakistan! Sending warm wishes to Pakistanis celebrating August 14th and looking forward to a flourishing #USPak partnership. https://t.co/rYZI6uUhUC
— State_SCA (@State_SCA) August 14, 2023

امریکی وزارت خارجہ کے محکمۂ برائے جنوبی اور وسطی ایشیا کے امور نے بھی پاکستان کو یوم آزادی پر مبارک باد دیتے ہوئے کہا کہ 14 اگست کا جشن منانے والے پاکستانیوں کے لیے پرتپاک نیک خواہشات کا اظہار کرتے ہیں اور ایک پھلتی پھولتی شراکت کے منتظر ہیں۔