روس میں گیس اسٹیشن پر آتشزدگی سے 30 افراد ہلاک ہوگئے۔

روس کے نائب وزیر صحت نے میڈیا سے گفتگو میں کہا کہ گیس اسٹیشن میں آگ لگنے کا واقعہ جنوبی علاقے داغستان میں پیش آیا۔ آتشزدگی سے 66 افراد زخمی بھی ہوئے۔ لاشوں کوزخمیوں کو اسپتال منتقل کردیا گیا۔ زخمیوں میں سے 10 افراد کی حالت نازک ہے۔

حکام کے مطابق آگ سڑک کے کنارے قائم ریپئیر کی دکان میں لگی جس نے گیس اسٹیشن کو بھی اپنی لپیٹ میں لے لیا۔ فائر فائٹرز نے 3 گھنٹے کی جدوجہد کے بعد آگ پر قابو پا لیا۔ آگ سے ہلاکتوں میں اضافے کا خدشہ ہے۔