احد چیمہ کو بیرون ملک سرکاری دورے پر جانے کی اجازت

احد چیمہ کے خلاف آشیانہ اقبال اور آمدن سے زائد اثاثہ جات ریفرنسز نیب عدالت میں زیر سماعت ہیں

---

احتساب عدالت لاہور نے نگران وزیراعظم انوار الحق کاکڑ کے مشیر احد چیمہ کی بیرون ملک جانے کی اجازت کی درخواست منظور کرلی۔

عدالت نے احد چیمہ کو بیرون ملک سرکاری دورے پر جانے کی اجازت دے دی

احد چیمہ نے 20 اگست سے 27 اگست تک سرکاری دورے پر بیرون ملک جانے کی اجازت مانگی تھی۔ احتساب عدالت کے جج نے درخواست کو منظور کرلیا۔

وزیراعظم کے مشیراحد چیمہ کو اسٹیبلشمنٹ ڈویژن کو امور خزانہ کا چارج دیاگیا ہے۔

واضح رہے کہ احد چیمہ کے خلاف آشیانہ اقبال اور آمدن سے زائد اثاثہ جات ریفرنسز نیب عدالت میں زیر سماعت ہیں۔