لنکن پریمئیر لیگ حسن علی انجری کا شکار ہوکر ٹورنامنٹ سے باہر

قومی پیسر کو پلے آف مرحلے میں گال ٹائٹنز کے خلاف انجری ہوئی

ویب ڈیسک August 18, 2023

قومی پیسر کو پلے آف مرحلے میں گال ٹائٹنز کے خلاف انجری ہوئی (فوٹو: کرک انفو)

قومی کرکٹ ٹیم کے فاسٹ بولر حسن علی لنکن پریمئیر لیگ میں انجری کا شکار ہوگئے۔

لنکن پریمئیر لیگ (ایل پی ایل) میں ڈمبولا اورا کی نمائندگی کرنے والے قومی پیسر حسن علی بدقسمتی سے گال ٹائٹنز کے خلاف پلے آف میچ کے دوران انگلی کی انجری کا شکار ہوئے، جس کے بعد انکی ٹورنامنٹ میں ان کی شرکت مشکوک ہوگئی ہے۔

سماجی رابطے کی سائٹ ایکس (ٹوئٹر) پر حسن علی نے مداحوں کو انجری کی اطلاع دیتے ہوئے تصدیق کی کہ میچ کے دوران لگنے والی چوٹ کے بعد انکی سرجری ہوئی ہے۔

مزید پڑھیں: ورلڈکپ سے قبل نسیم شاہ لنکن پریمیئر لیگ میں انجری کا شکار

انہوں نے لکھا کہ ٹورنامنٹ کا اختتام میرے لیے اچھے انداز میں نہیں ہوا تاہم میں ایونٹ کے کچھ بہترین لمحات کو یاد کرنا چاہوں گا جبکہ مجھے فوری طبی امداد فراہم کرنے پر ٹیم انتظامیہ کا شکریہ ادا کرنا چاہتا ہوں۔ حسن علی نے فینز سے جلد صحتیابی کیلئے دعا کی درخواست بھی کی۔

Saddened to share that I suffered a finger injury during our qualifier yesterday and had to go through a surgery for it. A pretty unfortunate end to a great tournament for me personally however will like to look at the positives and thank my team management and medical staff for…
— Hassan Ali 🇵🇰 (@RealHa55an) August 18, 2023